كتب صالح من معرض كتاب القاهرة ٢٠١٨ - سنتين فما فوق

السلام عليكم

بدأنا السنة الجديدة بمناسبة من أمتع ما يمكن وهي معرض الكتاب اللي بيكون فيه دور نشر من كل مكان في مصر من كتب عربية وأجنبية ومترجمة ولغات مختلفة. بالتحديد بالنسبالي بركز على كتب الأطفال عشان صالح، والتشكيلة اللي بتكون موجودة بتكون أثرى بكتير من التشكيلة المحدودة اللي بتيجي في معرض اسكندرية بعدها بشهرين، حتى نفس دور النشر بتنزل مطبوعات أقل.

بإختصار السنادي تركيزي كان على كتب مش مقواه او بورد، لأن صالح بقاله فترة بنقرأ في كتب ورقها عادي بفضل الله.
أختياراتي مبنية على منهجي في التعليم اللي بيربط بين المنزلي والا مدرسي، شغف طفلي وميوله بالإضافة للقيم والحجات اللي عايزاه يتعلمها وتنضاف ليه.

ركزت على قصص ليها هدف ، جملها قليلة عشان مايزهقش ويتعلم لغة عربية بالغمر، صورها مش كرتونية ورسوماتها مش اوفر، اغلبها واقعي الا قليل الخيال فيها مقبول.

بالإضافة لكتب بصور طبيعية فيها حجات معينة حيستفيد منها زي ماحشرح مع كل صورة.

للأسف مالقتش دار سفير ماكانوش موجودين وماعرفتش الاقي كتب اسلامية لسن صالح فين. قريت بعد كدة إن فيه دار اسمه الينابيع بس للأسف ماشوفتوش.

أفضل دور نشر من حيث السعر والمحتوى في رأيي هو دار الشروق.
دار أبو الهول أفضل موسوعات ولكنه سعره مرتفع
دار نور المعارف به بعض الإصدارات المميزة
كذلك دار نهضة مصر رائع جدا وسعره غالي شوية
للأسف دار البلسم سعره السنادي كان مش طبيعي.
وبالتأكد الحقوا العاب اديو فن واسعارهم ومحتواهم الجميل جبت لصالح سفينة نوع خشبية بحيوانات صغيرة خشب جواها وبازل على قدر سنه :)

لكتبنا من الميلاد اضغط عالرابط ده >  دليل القراءة للرضع والأطفال 
والمزيد من كتب صالح > البوم الفيسبوك



١- أهلا وسهلا/ هيا بنا/ ماذا جرى: دار الشروق: قصص قريبة من كتب اريك كارل حيث يكلم كل حيوان  حيوان أخر في الصفحة التالية، أحد الكتب عن أسم مسكن الحيوان، الآخر عن صوت الحيوان والأخير عن إسم صغير الحيوان . ويتميز بجمل قليلة جدا في الصفحات
٢-بومة كريمة: دار الشروق، عن بومة تتكفل بلبل صغير، نعم بها بعض الخيال ولكن معناها كان مميز جدا وايضا بها اكثر من جملة في الصفحة.
٣- أين صديقي: دار الشروق: قصة رائعة بها جمل قصيرة جدا في كل صفحة وتتكلم عن معنى الموت والشعور بالغضب والحزن وكيف نتعامل مع ذلك من خلال فقدان الفتاة لطائرها.
٤- كم أنا محظوظ: نور المعارف: عن كيف جاء الطفل من بعد حب الأم والأم ثم البذرة اجتمعت مع البويضة . جميلة :) 
٥- الديناصور: دار الشروق- طفل يزور متحف ونقرأ قصة ديناصور
٦- فوق القمر: دار الشروق- عن ماذا يوجد فوق القمر بطرقة بسيطة جدا
٧-أخاف من ماذا: دار نور المعارف: عن الخوف
٨- نهر وشجرة وعصافير: نهضة مصر :قصة أكير من سن طفلي ولكن أحببت أن نقرأ قصة عن فتاة على كرسي متحرك ليتقبل الفكرة ببساطة.
٩-أرنب، سلحفاة: ابو الهول: 
١٠- سعيد.. سعيد/ سر الحياة/ دنيا تفكر: كتب عن الحفاظ على البيئة من دار الشروق ولكني سأأجل عرضها عليه الآن لأن بها صور لأفعال سلبية
١١- السيد ورقة ورحلته المدهشة: دار نور المعارف، عن إعادة التدوير



ب تلوين من دار الشروق والدودة من دار البلسم في صالة ٤
وكتاب تلوين بالتباشير من دار ابو الهول





الجسم والبحر والأشجار من دار أبو الهول
الكئنات البحرية وغيرها من دار نور المعارف
السلاحف/ البومة/ الدعسوقات من دار الشروق
البقية من دار نهضة مصر



جسمك من دار الشروق
حياتهم مثل حياتي دار الشروق
كائنات أفريقية: دار نهضة مصر
موسوعات عامة خاصة لمعرفتي لتعليمه:
الصخور والمعادن: نهضة مصر
الديناصورات/ كوكب الأرض دار أبو الهول

متنوع:
التلوث/ الخير والشر/ حيوانات السفاناو مصر الفرعونية (تفاعلي) / سيد الخلق لكريمان حمزة/ الأرقام (مقوى - عن العد بالحشرات): دار الشروق
كليلة ودمنة ورحلاتت ابن بطوطة : دار نور المعارف (لأستفيد أنا منها)
عالمنا: (كتاب تفاعلي رائع لسن أكبر) من مكتبة تنمية بجانب جرير
أسوأ ثمانية أيام/ رحلة حجر: نهضة مصر
Peek a Boo : Diwan bookstore
*جميع الكتب لسن أكبر ، بعضهم مناسب من سن ٣ سنوات وبعضهم أكبر.. بإستثناء كتاب الأرقام و الكتاب الإنجليزي من سن الميلاد





يمكنكم التواصل معي هنا من خلال التعليقات بسبب توقفي عن إستخدام الفيسبوك في هذة الفترة :)

شاركوني اقتراحاتكم في الكتب ولماذا إختارتوها لأطفالكم ؟ :)



لمتابعة الجروب عالفيسبوك

تعليقات

  1. قصة رحلة حجر عن اه من فضلك،ومناسبة لعمر كام؟

    ردحذف
    الردود
    1. عن السيرة من نهضة مصر واظن تناسب ين كبير ممكن فوق ٧ لانها مافيهاش رسومات قوي :)
      https://m.elwatannews.com/news/details/1331860

      حذف
    2. السلام عليكم .. بصي انا مش هقولك انى مثقفة أو قارئة ف التربية كتير بس عندى طفلة طبيعية سنها سنتين .. الكتب اللى حضرتك شرياها في كتب تفوق تصور الطفل اساسا زى تلوث البيئة و الفضاء ومصر الفرعونية ..انا مش هقولك متنشريش تجربتك بس رفقا لامهات طبيعية عندها اطفال طبيعين كاى ام حابة تعلم ابنها تعليم طبيعي سوى ..رفقا ..اتمنى متضاييش

      حذف
    3. وعليكم السلام
      انتي ليكي حق انا فعلا بجيب كتب لين اكبر لو مميزة واشيلها لقدام وفيه كتب بتكون خاص لاستفادتي انا عشان اقدر اعلم ابني. انا حنوه عن ده دلوقتي.
      قصص التلوث بالفعل لما جيت اقراها لصالح لقيت اني بعرفه عالتلوث وهو اصلا مايعرفوش! ف حأجلها لكمات سنة او الوقت المناسب. باستثناء قصة اهادة التدوير اظن حتكون مناسبة ليه عشان نرسخ فكرة تدوير الورق اللي احيانا بنعملها في البيت (بنبعت الورق لجمعية رسالة بيعملوا اعادة تدوير)
      اما قصة القمر ف دي سهلة جدا وبسيطة جدا :)
      شكرا انك لقتي نظري :)

      حذف
    4. في ترشيحات هنا تانية متنوعة لو تحبي :)
      https://fitrahmummy.blogspot.com.eg/2017/03/blog-post_29.html
      https://www.facebook.com/a.helmy89/media_set?set=a.10158329256550515.1073741835.608025514&type=3

      حذف
  2. زينب عرابي1 يونيو 2018 5:24 ص

    السلام عليكم
    لو سمحتي اجيب الكتب ديه منين في اسكندرية؟

    ردحذف

إرسال تعليق

المشاركات الشائعة من هذه المدونة

تنظيم نوم الرضيع من عمر ٣ أشهر

اصنع بنفسك "مسجد للأطفال" ...نشاط رمضاني