كيف نمضي وقتنا أنا وصالح .. من ١٠ أشهر حتى عام ونصف :)

السلام عليكم

كنت ناوية من فترة انزل شوية أنشطة والعاب صنع المنزل من سن ١٠ شهور، لكن للأسف ماكنش عندي وقت.. دلوقتي وصالح ابني قرب يكمل سنة ونص بإذن الله، قررت أعملكم تجميعة لأهم حجات نقدر نعملها مع اولادنا في الفترة الكبيرة دي..


يومنا بيبدأ من حوالي ٧ صباحا لأننا متعودين ننام بدري من هو عمره أشهر بفضل الله، وحتلاقوا طريقة تنظيم نومنا هنا تنظيم نوم الرضيع

بنصحى نفطر أكل صحي
وبعدين بنلعب في غرفتنا
احيانا كنا بنبدأ بالحلوس على ارض البلكونة وصالح يتفرج وأنا اتلوا أذكار الصباح بصوت متوسط بحيث يسمعه.
بعد كدة بنروح غرفته نلعب فيها وبعدين بيجي معاد قيلولته الأولى..
بعد مابيصحى بكون جهزت كام علبة فيها أكل صحي برضو وبننزل نتفسح

حياتنا اغلبها خروج، لأن بطبيعة الحال النشاط مش بياخد اليوم كله. ده غير أن الطفل محتاج يخرج في الطبيعة ويتعلم الدنيا من خلال الطبيعة .
أنا مش مؤمنة إن المرحلة الأولى تعليم اي شيء هي من خلال المجسمات  مثلا (دي وجهة نظر مونتيسوري برضو)، مثلا صالح اتعلم اغلب الحيوانات من خلال زيارات المزرعة وحديقة الحيوان، وبعدين الخطوة الثانية كانت الصور الطبيعية المغلفة مع المجسمات.

في السن اللي قبل مايتم سنة كان بياخد اكثر من قيلولة اثناء اليوم قد تصل ل ٣.. 

نرجع نكمل نظام يومنا..

تاني قيلولة كانت بتكون في العربية واحنا راجعين من الخروج  

بنرجع البيت يستحمى ونكمل لعب وممكن نقضي وقت في المطبخ، أنا اطبخ وهو يقعد على سلمتين كدة بيتسلقهم ويقعد عليهم، بسيبله الدولايب يطلع الحلل يلعب بيها واديه معالق خشب يمثل انه بيطبخ زيي.

بعد ماكمل سنة بدأت اشاركه احيانا في الطبيخ، لما بنعمل كيك(صحي) اخليه يقلب معايا او يدق المكسرات في الهون.. دي اكتر لحظات شوفت فيها ابني مندمج في صمت شديد.

بعد كدة زوجي بيجي وبناكل وهو بيكمل لعب معاه لحد معاد النوم..  لو زوجي حيرجع متأخر بظبط يومي اني ارجع قبل معاد نومه بساعة ونصف مثلا بنقضيها في لعب خفيف و بعدين نوم :)

ماعندناش طقوس نوم غير اننا ممكن نقرأ كتاب. 

طبعا ماعندناش مبدأ التليفزيون والشاشات وغيره.


أين نذهب بالخارج:

نحب الذهاب للحدائق والسفر والتنزه بالإضافة إلى حديقة الحيوان والمزارع والشاطيء. والأهم تكوين صدقات جديدة :)

مزارع
هذة مزرعة رقية ف برج العرب


حديقة الحيوان


الشاطيء


وهؤلاء أنشطة والعاب نمارسها في المنزل

 تعلم المشي
نبدأ بها من اول ما يعرف يقف


النفخ في الهارمونيكا لتقوية مخارج الحروف


نشاط الاصوات المختلفة


صنع المنزل من بواقي الكرتون لتعلم الدائرة ولكنها لم تلفته ابدا



كتاب اسمه العد بالألوان من دار ابو الهول:
لا نعد ولكن نلعب مع بعض لعبة فتش لتجد.
اسأله اين الطماطم واين الفراولة واقول له ضع اصبعك عليها وهكذا


اسأله على صوت الحيوان وأنا اقول اسمه
وهذا الكتاب لتعلم كلمات جديدة ولكننا لم نستمر فيه مع انه احبه جدا،
 ولكن لضعف صفحاته، احداهما تقطعت.


نشاط ادخال متقدم اكثر
من ١٢ شهر


لعبة بقاء المادة صنع المنزل



ابني انا المكعبات حتى يتعلم كيف يبني


وضع مشابك خاصة على طرف الجردل
لن يستطيع فعلها قبل سنة وايضا بعد ذلك. فقط مارسيها امامه



ثاني لعبة ادخال
من اسهل الالعاب تبدأي بها قبل او عند اتمام السنة


ستجدون انني لا أحب أن اضغط على ابني ابدا! لا يهمني متى مشي او متى تعلم صوت ذلك الحيوان او قول تلك الكلمة. لا أحاول مستميتة تعليمه الالوان. ولكن اهتم جدا بمعايتشه للدنيا من حوله والتعلم من خلال معايشته لها. الكلام عندي اثناء الخروج واللعب واعطائه اوامر "هات الكتاب الفلاني لوسمحت وغيره" هي من اهم الاشياء عندي. لا يهمني اقوال الاخرين وتدخلهم في حياتنا. لا أتبع منهج مونتيسوري ولكن أحب فلسفته جدا وهناك العديد من الاشياء التي اتبعها بمرونة كبيرا. احاول فهم طبيعة ابني الحركية واحاول ترتيب حياتنا حول ذلك. اميل بشكل كبير للتعليم الا منزلي فوق التعليم المنزلي.
اتعب كثيرا من متطلبات كل عمر جديد. ولدي هفوات كثيررا تؤرقني وتجهد اعصابي، وكثيرا اشعر بالفشل، وليست الصور هي التي تحكم على مدى نجاحي كأم، ولكنني دائما احاول أن تكون العاطفة والحنان وتلبية رغبات الطفل من مأكل ورضاعة، ونوم متشارك، وايا كان رغبته مثل طمأنته عند الخوف، وجودي بجانبه طوال الوقت، عدم التقليل من بكائه وهكذا هي محور اهتمامي. اسعى جاهدة ان اعرف كيف اتعامل جيدا مع تحديات سنه من ضرب او عض او صراخ كثيرا، لأن لكل مرحلة تحديات مُرهقة جدا للصغير والكبير.



تعليقات

المشاركات الشائعة من هذه المدونة

تنظيم نوم الرضيع من عمر ٣ أشهر

دليل القراءة للرضع والأطفال ٠-٥ سنوات

البركة في وقت الأم